پنجشنبه، 9 فروردين ماه، 1403

ڕازێوه‌ جه‌ خه رمانو ڕازا

گردآورنده: فه‌تحۆڵڵا ره‌زایی//

ژه‌ن و پیایێو ده‌سه‌ڵات دار یانه‌و وێشانه خه‌ریکێ نان وارده‌ی بانێ چا عانه‌نه‌ فه‌قیرێو ملۆ به‌ره‌و یانه‌یشا و داواو خه‌یرێشا وه‌نه که‌رو ، ژه‌نه‌کێ به‌شوه‌که‌یش ماچۆ : پیاکه‌،که‌رگێوه‌ما هه‌نه‌ ئیجازه مده‌ی بده‌ونه‌ش پا سواڵکه‌ره‌یه?



پیاکه ماچۆ : نه وه‌ڵڵا،هیچش مه‌ده په‌نه، لوه جوابش بده با بلۆ ڕاو وێشه‌ره، ژه‌نه‌ کێ هه‌ر جۆرێو بۆ ملۆ فه‌قیره‌که‌ی جواب که‌رۆ و ده‌سی هاڵی مازۆ جیاو ملۆ.

شۆنۆ چننه‌ ساڵاره‌ خۆدای گه‌وره پاسه ڕه‌زاش بۆ ، پیا ده‌سه‌ڵات داره‌که گردو  ماڵ و سامانیش جه ده‌س مدۆ و حه رجه بۆنه‌و ئانه‌یه‌و مه‌تاڤۆ ژیوایشا به‌رۆ ڕاوه، ژه‌نه‌کێش ته‌ڵاق مدۆ و په‌ی هه‌میشه‌ی جیای باوه و وێچش په‌ی گۆزه‌رانو ژیوایش ده‌س که‌رۆ به سواڵکه‌رده‌ی و ژه‌نه‌کێچش دمه‌و چنن مه‌نگا ملۆ شوو که‌رۆ به پیاێوه ده‌وڵه‌مه‌ن و عالی و ژیوایش جه‌وه ڵێ وه‌شته‌ر بۆ.

ڕۆیوه‌ جه ڕوا چه‌نی شوه‌ تازه‌که‌یش یانه‌و وێشا گۆشتو که‌رگێ برێژا و حه‌ر ده‌س که‌را به وارده‌یش سواڵکه‌رێوه مه‌ی به‌ره و یانه‌یشا و داواو چێویشا وه‌نه که‌رۆ،ژه‌نه‌کێ به‌ شوه‌که‌یش ماچۆ : ئه‌ر ڕازیه‌نی با ئی که‌رگه برێژیای به‌روو بده‌و پا فه‌قیره‌یه ئیجا موه‌ هه‌مته‌ر برێژوو په‌ی وێما. شوه‌که‌ش ماچۆ : قه‌یدوو چێشی که‌رۆ به‌ره‌ بده‌ش په‌نه،منیچ فره حه ز که‌روو به‌ هه‌ رمانه‌کێت.

ژه‌نی گۆشته برێژیاکه‌ی به‌رۆ مدۆ به‌ پیای سواڵکه‌ری و به گره‌وه‌ی مه‌یوه‌ دما!

شوه‌که‌ش ماچۆ: ژه‌نه‌کێ ئانه چێش قۆمیان، په‌ی چێشی گره‌وی ؟ ژه‌نه‌کێ ماچۆ : ئا سواڵکه‌ره‌ شوه وه‌ڵینه‌که‌م بێ و دڵم سۆت په‌یش و گره‌وه‌ی گێرتا ! شوه‌که‌ش ماچۆ : ماشه‌ڵڵا جه حکمه‌تو خۆدای گه‌وره‌ی ! ژه‌نه‌کێ ماچۆ : یانی چێش؟ شوه‌که‌ش ماچۆ : یادتا چننه‌ ساڵێ چی وه‌ڵته‌ر چه‌نی شوه‌که‌یت خه‌ریکێ نان وارده‌ی بێندێ و سواڵکه‌ رێو ئاما به‌ره‌و یانه‌یتا و هیچتا نه‌دا په‌نه؟ ژه‌نه‌کێ ماچۆ : ئه‌رێ وه‌ڵڵا خاس یادما و حه‌ر ئه‌جۆم ئارۆن، شوه‌که‌یم ناسش هیچش بده‌و په‌نه. پیاکه ماچۆ : ده‌ی ئانه ئا سواڵکه‌ره من بێنێ ئامانێ به‌ره‌و یانه‌یتا و شوه‌که‌یت جواب که ردا ! ئیسه‌ خۆدای گه‌وره‌ تاوانه‌و ئا هه‌رمانێشه‌ مدۆوه‌!



ارسال شده در مورخه : پنجشنبه، 28 دي ماه، 1402 توسط admin2  پرینت

مرتبط باموضوع :

 ميرزا محمود دوريسانی شاعر و تاریخ نويس  [ دوشنبه، 10 مهر ماه، 1391 ] 6429 مشاهده
 يانه ي چوَلَ و هوَلَ مه نزلَگاو تووتا  [ سه شنبه، 20 تير ماه، 1391 ] 8046 مشاهده
 داستانەو مانگاوە زەردی  [ پنجشنبه، 15 شهريور ماه، 1397 ] 2155 مشاهده
 ڕۆڵی قورئان لە ژیاندا  [ شنبه، 20 خرداد ماه، 1396 ] 3959 مشاهده
 داستانه‌و میرزائه‌ولقاذری و کناچێ  [ دوشنبه، 5 خرداد ماه، 1393 ] 3981 مشاهده
امتیاز دهی به مطلب
انتخاب ها

 فایل پی دی اف فایل پی دی اف

 گرفتن پرينت از اين مطلب گرفتن پرينت از اين مطلب

 ارسال به دوستان ارسال به دوستان

 گزارش این پست به مدیر سایت گزارش این پست به مدیر سایت

اشتراک گذاري مطلب
صفحات پيشنهادي
لينکدوني
پیامک

ســامـانه پیام کوتاه پینوس



ارسال خبر ، مقاله ، گزارش و ...



شماره همراه خود را برای عضویت در خبرنامه پیامکی وارد کنید