دوشنبه، 29 آبان ماه، 1396

وردە باسێو سەرو مالمینی

به قه له مه و:کورش یوسفی

مالمین هانەچەمێوی وەش و نەخشینائینا  وارو  دەگاو زاوەر (دزآوەر) یەنە  ئی هانە چوار وەرزو  ساڵێ ئاویش هەنە و  وشک نمەکەرو .مەر‌قەذوشێخ شەهابەدینی ئینا پاڵو هانەکەیەنە



 

. بە واتەو قەذیمیا مزگیێو لاو هانەکەیەنە بیەن لافاوێو ئامان و مزگیەکەش وڕنان. ئیتر دماو لافاوەکەی خەڵکو زاوەری مزگیە کەشا وەش نەکەردەنەو . مالمین ماچا ئەوەڵ جار نامێش موعەلمین بیەن یانێ یاگو موعەلێماو دەرس دای . کە وردە وردە نامەکێش فاریێنەو بیەن بە مالمین . بەشێو  جە  مڵکە کاو  دەگاو  زاوەری و شارو تەوێڵێ بە ئاوۆ مالمینی داریا .

مالمین  یاگێوە  پیروزۆ  برا  یارسانیەکانە.

جە دەور و بەرو  700ساڵێ چەی وەڵتەریەنە  مالمین یاگێوە  فرە مو‌هێمە بیەنە پەی دەرس وانای جە کوردەواریەنە .چل تەنێ یارسانی گردشا جە زاوەرەنە و جە مالمینەنە دەرسشا وانان و چێگەنە یاوێنێ  پەنە  و دماو  تەمامناو  دەرسەکەیشا و هورگێرتەی پلەو پایەیشا گێڵەێنێوە پەی شار و دەگایەکاو وێشا و ئاذیچێ دەسشا کەردەن بە موچیاری و پەنە یاونای خەڵکێو تەری.

 

پەی سەلەمنای ئی باسیە تاومێ تەماشەو کتێب و مێژوی وێژەی کوردی جلدو1 لاپەرەکاو 304تا361 جە نویستەو صدێق بۆرەکەیی کەرمێ . چا کتێبەنە باسو چل تەن و یارسانی کەرو . ئی چل نەفەرە جە یارەکاو سولتان سەهاکی بیێنێ کە هەر یوشا جە مەحاڵێوۆ کورەسانیەنە ئامێنێ پەی  لاو سولتان سەهاکی چاگە پەروەردێ  بیێنێ.

 

ئی چل تەنە  جە شێعرە کاشانە گرد نامو زاوەری بەراو باس جە واردەو ئاوۆ زاوەری کەراکە چێگەنە مەنزوور جە ئاوێ (ڕاو، شێوە،سەرچەمەو فکرو زانیاریا) جە شێعرەکاشانە ماچا :

 

هەر کەس ئی ڕاو تەریقەتیە نەگێرو نە وەر ، چەنەش دەرس هور نەگێرو نمەیاوۆ بە ئاکام و ڕا گۆمە کەرو.

 

پەی نمونەینامێچن نەفەرا چا چل تەنیە چەنی شێعرەکاشاچێگەنە پەی وەنیارە وەشەسیاوەکا منویسوو .

 

1-دەمام :

 

نامێش ساڵح کورو ئەسعەدی مەشهور بە دەمام جە  دینەوەر بە دنیا ئامان.جە ساڵو 757کوچی مانگی(هجری قمری)دنیای بێ وەفاش ئاستەن جیا.

 

 

 

نمونەو شێعرێش

 

 

 

نامێم  بی  قەیتەر،نامێم بی قەیتەر

 

نە قوللەی ئەلەست نامێم بی قەیتەر

 

ئەوەڵ حەڵقە بیم نە دجلەی بێ دەر

 

دایرەی زەنجیر بێوەند بیم نە وەر

 

......

 

مایەی کەوسەری ئەز مەدەریش تام

 

مەنوشـام ئەو نۆش دایرەی خـواجام

 

هــادزاوەرەن هــام لف مـــــەولام

 

کوک پەنجمــانەن  ئاوشـەن بنیــام

 

بنیــامخـــامیا ئاوش ئەز نوشـــام

 

ئاوش نەوی لێڵنە هیـچ توز و تام

 

 

 

 

 

2- وردی :

 

نامێش نەریمان کورو فەیروزی  مەشهوور بە  وردی ، جە ئاخرو سەدەو 7 کوچی  جە  هەورامان بە دنیا ئامان . جە ساڵو780کوچی مانگی عەمرو خوایش کەردەن .

 

نمونەو  شێعرێش

 

نا مێما  ساتێش ، نامێما   ساتێش

 

نا  قولەی  ئەقدەم  نامێما  ساتێش

 

هەفتەم حەلقەنان نە دجلەی ئەندێش

 

ستیزام  چەنی لاهی و هەم سەرکێش

 

زێڵم پڕ  رازەن پەی  ئەزی  نەردی

 

ئیتر جە ناکەس هیچ مەوۆ سەردی

 

.......

 

جـــە  دزاوەر دا نیامـــــان کــەردی

 

نـەی وەرو دەم دا نـامێمــا وه‌ردی

 

پـەردەی لـەقانان فـەنـەر و فـەردی

 

دزاوەرمـــانەن نە ڕای گردشەردی

 

ئاومان واردەن شەفای گرددەردی

 

هەرکەس نەنوشا فەردا روی زەردی

 

 

 

 

 

3- شەمیل :

 

شێروش کورو شاروانی جە ئاخر و ئەخرو سەدەو  حەوتی جە شارەزوورەنە چەمێش بە دنیەی  روشنێ بیێنێ .

 

ئینەێچ نمونەو شێعرێش.

 

نـامێمــا  ئەنـوش ، نامێمــا  ئــەنوش

 

نا قـــولـەی  وەرین  نامێمــا ئــەنوش

 

حەڵقەو چلەنان نا دجلەی خــەمۆش

 

بەند زەنجیر بیم  نە یانەی مـــەنوش

 

ئەوسا ئازاد بیم  وە ربک ســرۆش

 

وە فەرمان خاجەم ئەزئامام وەهوش

 

چاگە  گرد ئاماین وە راگەی  دەلیل

 

دیوانمان گرتەن جەی سەنگ وسجیل

 

ئەزنان  نە  سڕ ســوور ئیسـرافیل

 

بێــدار  کــونەندەی   یاران   زەلیل

 

حاڵا نەی لەوحــە  نامێما  شەمیل

 

هەر چلمان نە سڕ  نە توی یەک زەمیل

 

نە کوی کەس نەزان گرد ئاماین وەی جام

 

دزاوەمــــانەن راز و ســـڕ پەیغـــــام

 

ئاومــان واردەن  مایەی گــردین کام

 

هەرکەس نەنۆشا ناپوختەن هەم خام

 



ارسال شده در مورخه : سه شنبه، 30 دي ماه، 1393 توسط admin2  پرینت

مرتبط باموضوع :

 ژیانی راستەقینە  [ جمعه، 2 دي ماه، 1390 ] 6277 مشاهده
 داستانه‌و حه‌وت براله‌ی  [ دوشنبه، 25 فروردين ماه، 1393 ] 1225 مشاهده
 جل و‌به‌رگ و نه‌وروزی  [ دوشنبه، 12 اسفند ماه، 1392 ] 1070 مشاهده
 شێتم مزانا  [ جمعه، 9 آبان ماه، 1393 ] 1081 مشاهده
 ئه فسانه ی هه ورامان ( سه برو سابیری )  [ چهارشنبه، 11 آبان ماه، 1390 ] 8207 مشاهده
 
نام شما: [ کاربر جدید ]

نام (ضروری): 
ایمیل (ضروری): 
نظر:
کد امنیتی
کد امنیتی

  [ بازگشت ]
امتیاز دهی به مطلب
انتخاب ها

 فایل پی دی اف فایل پی دی اف

 گرفتن پرينت از اين مطلب گرفتن پرينت از اين مطلب

 ارسال به دوستان ارسال به دوستان

 گزارش این پست به مدیر سایت گزارش این پست به مدیر سایت

اشتراک گذاري مطلب
صفحات پيشنهادي
لينکدوني
پیامک

ســامـانه پیام کوتاه پینوس



ارسال خبر ، مقاله ، گزارش و ...



شماره همراه خود را برای عضویت در خبرنامه پیامکی وارد کنید