صفحه 6 از 7

پستارسال شده در: شنبه اسفند ماه 4, 1391 12:49 am
توسط tarannom
ئازیزنه په ر سای جاری جه حالم

سه برت سوچنان یانه ی خه یالم

سارای ده شت دل برشیه ن جه ده س

مزره عه یشادیم کرده ن وه قه فه س

دووخان دوو که ل هه نا سی سه ردم

که رده وه زخودال مه جموعه ی فردم

چون کوره ی ئایر مه خیزو کو کو

یانی یه را سه ن نیاوان وه تو

فه راقت فه رقم پاره پاره کرد

نه فه جه قه فس ته ن ئاواره کرد

فدای دوریت بام جه مین جام جه م

دوری تو بیه ن به ر ده سیله ی خم

بی چماخه و برق بی بادوو باران

مه ده ی لیم  وینه ی ره عد وه هاران



پستارسال شده در: شنبه اسفند ماه 5, 1391 11:31 pm
توسط tarannom
باڵا ‌ کـه‌رده‌وه مـه‌یل ئه‌و لای په‌ستی

وردیـکڵانــه‌ن  ده‌روازه‌ی  هــه‌ستـی

مه‌عدوومی!کرده‌ی به‌دی هه‌زار ته‌رز

زانــووی ئـۆمێـدت نـاوه‌رۆ  ئــه‌و لــه‌رز

ئـه‌و کــه‌س مـزانـوو سـه‌تتـاره‌ن ئــارۆ

جـه‌و بزۆرگتـه‌ره‌ن شه‌و ئه‌و ڕۆت نارۆ

سفیدیت قه‌ڵغان په‌ی ڕووی سیات بۆ

کــه‌مـانیت شـه‌فێـع  تیـر دیــات بـؤ

نمـــه‌بـۆ  پیــری و تــه‌ن نـاتــه‌وانیت

وه‌ی دووفــه‌رده‌وه‌ ئـاوده‌س جـوانیت

عه‌زابم ئه‌رسـه‌د جـه‌ حـه‌د به‌رشیه‌ن

جــه‌ ڕوو سیــاییـم گران تـه‌ر نیــه‌ن

من که‌خه‌جاڵه‌ت خزمه‌ت ئـامـا پێم

جه‌هه‌نه‌م سه‌دساڵ دووزه‌خ بو وه‌ جێم

مــۆتـرێب، بـۆ وه‌ داد دڵ گیـریمـه‌وه‌

پیــــری هـا ئـامـا وه‌ پیــریمــــه‌وه‌

نــه‌وات وێــرانـه‌ی دڵ کــه‌رۆ ئــاوا

چه‌نی به‌سته‌ی فه‌رد بیساران ماوا:

"ئینـه‌ گردجـه ‌وه‌خت نـادانیم بیـه‌ن"

"فه‌سڵ سه‌رمه‌ستی جوانیم بیه‌ن"

"ئیسه‌ هاجه‌گشت په‌شیمانیم به‌رد"

"واده‌ی پیــریمـه‌ن جـوانیــم ویــه‌رد"



                   "کۆچ دواییـمـــه‌ن ، یـاوانــم  نـۆبــه‌"

                   "نـۆبـه‌ی تـۆبـه‌مـه‌ن، که‌ره‌م دار،تۆبه‌"






پستارسال شده در: يکشنبه اسفند ماه 6, 1391 3:36 pm
توسط praise
شیرینی دوسان

شیرینی دوسان دوعــــــاوســـــه لامه ن
ســه وقاتی یـــاران نامه وپه یامـــــــه ن

شیره ی موحببـــه ت مابـه ین یـــــــاران
وه شـــته ره ن جــه تــام شیرینی شـاران

نوقـــل وشیـــرینیم نه قل نامه ی تــــــون
هه دیــه وبه راتم ریزه ی خامه ی تـــــون

بـــاقی ته عـــاروف ره سمـــی زیـــــاده ن
ئیسرافی مـــه عرووف لوقمه ی بی داده ن

فه رمووده ی مه عدووم سه رای خاک ماوان
ده ک وه ره حمــــه ت بو چ خاس فه رماوان

ده روون وه مه ودای دووریـــت بیه ن ریش
هه ی خــاکم وه سـه ر ســه وقاتم په ی چیش

من هه رتوم هـــــــه نی نه ک واچی توم بـــو
تـــــــوم بو چه نی عـــــام نیه ن چــه نی تـــو

ســا تــو بو دیده م بــی په روا وبــی خــــه م
تــو،تـوتـوی جـه رگم جیــاکــه رجه هـــه م

جــــا تو تـــوی ده روون بگیلـــه پیشــــــدا
ئــــه رتودیت تویه غــه یر جـــه تــوتیشــدا

تووخــوداویـــت ئاساباوه ره ش وه  بـــه ر
وه مــه ودای موژگان پاره پـــاره ش کـه ر

(قــادر)چــــه نی تــودنیــاش وه کـــــاره ن
بـــی تـــوزنـــده گیش چوون ژارمــاره ن

{میرزا عبدالقادرپاوه ای}

چراغم تومه ن

پستارسال شده در: يکشنبه اسفند ماه 6, 1391 9:10 pm
توسط Roobar
چراغم تومه ن

چراغم تومه ن چراغم تومه ن
ئینده من تاسه ی دیداری تومه ن

نه خاوی شه ون،نه روان رومه ن
شه وان هه ر ئاخ ئاخ ،روان،رورومه ن

ئه ر گه ردوون ،وه شه ون خه یالم وه رو
یه ک رو،دیدارت نه سیبم که رو

ته نخوای دوو دیده ی ره مه د ره سیده
دریغ من بیام دوو هه زار دیده

وه لی گشت مایه ی نوور به یاچیشان
تاسیر ،که ردام سه یر،بالای تو پیشان

دوو چه م نه ر سه د سال ته ماشا که ران
که ی تاوان سیر سه یر بالات بکه ران؟

مه ته رسان جه ده رد،دووری دووباره
جای زاریشانه ن نه ک جای نه زاره

صه یدی هه ر که س داخ هیجرانش وه رده ن
سیر سه یری دیدار هه رگیز نه که رده ن

پستارسال شده در: دوشنبه اسفند ماه 7, 1391 11:31 pm
توسط tafgah72
به دامانت بو به دامانت بو

سا سوه یل ده سم به دامانت بو

ئه وسا جه "یه مه ن" به رئامانت بو

ئه وه ل رشته ی سه ول خه رامانت بو

سا سوه یل سه رم نه رات توفه یل بو

ئانه مره ژی با بالای له یل بو

خه زان زه رد مه بو،زوو مه ریزییو

له یل نمه ریزو، نمه بیزییو


(بیسارانی)

پستارسال شده در: دوشنبه اسفند ماه 7, 1391 11:50 pm
توسط Roobar
ده نگی یار مه یو

ده نگی یار مه یو ،ده نگی یار مه یو
هه ی داد هه ی بیداد ده نگی یار مه یو

سه دای ناله و ئاخ ،ده رده دار مه یو
ده نگی نالنیش پروزگار مه یو

ئیشه و که یفی من،چون هه ر شه و نیه ن
ئه و دیده ی مه ستش،جویای خه و نیه ن

ئیش دیده شه ن،دیده م بی که یفه ن
دیده ی به دئیشو،دیده ی یار حه یفه ن

یا موعجیزه ی ده ست،مه سیحای مه ریه م
ئیشی دیده ی یار،ئیشه و ببو که م

جه ساوه یاران،دیده ی یار ئیشان
جه لای خواوه ،ئیشش من کیشان

شیرین مه نالو،ئیشی چاو شه ن
(صه یدی)نه رو خورد،نه شه و خاوشه ن

پستارسال شده در: جمعه فروردين ماه 8, 1392 2:13 am
توسط CafeWeb
گرفتاری یار

قیبله م ویه ردی دیای به لاره
دلم بریژیا و بی پاره پاره
جه و ساوه ئامای دیای به لاره
جه و ساوه خه مزه و له نجه و که رد پاره

دل گرفتار و ره نجه روت بیه ن
په ی دووباره دیده ت سه رگه ردان بیه ن
واتم تو ئه ی دل چی پیسه ت بیه؟
چی ویت شیت که رده ن،ده رمانت نیه ن؟

واتش ئه ی نفاهم تو شیت ته ره نی!
تو ویت نمه زانی که په ی چی هه نی!
من نامیم دله ن گرفتار بیه نان
چوون مه جنون و وه لی ده ر به ده ر بیه نان

هه ر پیسه و مه جنون دوعاگوی ده رگام
هه ر پیسه و وه لی مه گره وای ریگام
من عاشقشه نان تا وه روی مه رده ن
تا ئه و روژه که وه گلکوم به رده ن

تا ئه و روژه من،هه ر مه جنونشه نان
تا ئه و روژه هه ر وه فادارشه نان

پستارسال شده در: جمعه فروردين ماه 9, 1392 2:14 pm
توسط tarannom
ئیمشه و قیبه لکم  له من که فته ن دوور
دوور بو له دیده ش دیده م بیه ن کوور

ئیمشه ونازارم له من پیواره
عه قل و فامی من بیه ن ئاواره

ئیمشه و قیبله کم دنیاو دینه که م
مه حبوبی شیرین مه هجه بینه که م

بالای زه ریفش لیم نادیار ه ن
کوره ی ده رونم شه راه ری نا ره ن

ئیمشه و مه واچی عه زا داریمه ن
جه داخ دلبه ر ده رد  کاریمه ن

ئیمشه و شه و  نیه ن زاج ده یجوره ن
جه دووری بالات دیده م بی نوره ن

کاشکی نه  که ر دام ئه ی ئاشنایی
وه یته ور نه چه شتام مه زه ی جیایی

کاش وه  روی ئه زه ل توم نه دیا وه چم
تا وه ی ته ور یه قیر نه بیام چه نی خه م

یاخودا که س  با ده ی هیجران نه نوشو
جه رگش وه ئایر حیرمان نه جو شو

ئیمشه و وا ده ی  مه رگ درده کاریمه ن  
بی سه بر و بی تاو بی قه راریمه ن

ئیمشه و له دیده م ئه سرین وه  تاوه ن
ئه سرین دیده م ماچی لافا وه ن

ئیمشه و په ی چیش خه ولیم ته وا سا
په یش عه قل و هوش  له من هه را سا

پستارسال شده در: شنبه فروردين ماه 16, 1392 1:08 am
توسط farzaneh
سوبحه ن بؤی گولان میاونؤم نه سیم
به وینه ی ره حمه ت خه زانه ی که ریم

سه حرا و ده شت و ده ر به هه شت منمانؤ
موره ی هه وای وه ش وه شه ش ده ر شانؤ

جه هه ر ته ره فدا مه وینوون گولزار
ره نگ ره نگ مه دره و شؤ به وینه ی دلدار

لاله گه رده ن که ج تؤی دیده ره شته ن
گؤیا عه کسی یار وه رووشدا وه شته ن

چه مه ن هام لیباس سه وز ره نگ پؤشان
وه فراو  چون ئه سرین دیده ی من جؤشان

جه ماد و نه بات گرد شادیشانه ن
جه مال رؤژئ عید ئازادی شانه ن

ته مام رووی دنیا جه شادی که یله ن
دل نه بو په شیو فیراقی له یله ن

سه هله ن به هارم دؤزه خ ئاسا بؤ
به هه شتم بئ دؤس دؤزه خ نما بؤ

وه ر نه دؤزه خدا یارم دلبه ر بؤ
په ی من ئار نه تؤی گولشه ن وه شته ر بؤ

دل دوو زنجیره ی زولفی نیگاره ن
وه سه یری سه وزه و سه حراش چه کاره ن


مه وله وی

پستارسال شده در: پنج شنبه فروردين ماه 22, 1392 7:52 pm
توسط tafgah72




بــوڵبـوڵ  مــزگـانی فـه سڵی  وه هـاره ن

وه ختــی دیده نی  ڕۆخســاری یـاره ن


به  نـه غمه و ئـاواز سـابووه پـیـشواز

با خۆنچه ش به ناز  ڕومه ت که رۆ  واز

پستارسال شده در: جمعه فروردين ماه 23, 1392 3:56 pm
توسط CafeWeb
یاران وه هار بو

یاران وه هار بو ، یاران وه هار بو
یاران به ش مه رگم فه سلی وه هار بو
واده ی ره نگ ره زه ی گول و گولزار بو
که ش و کو که مه ر چوون لاله زار بو

ده فنم که ن وه پای سایه ی گورالان
به یو گول چینبی شای سوسه ن خالان
پا بنیو وه بان گلکوی بی نازم
ساکت بو دله که ی ئاواته وازم

بانگ که رو ئه ی قه یس باری گول نه کول
موباره کت بو سه رای سه نگی چول
منیچ به ی حه سره ت بی ئه ندازه وه
گوش ده و وه رازان شه که ر رازه وه

رازی شه که ر ریز بژنه وو به گوش
حه سره تی دووری که رو فه راموش

پستارسال شده در: دوشنبه فروردين ماه 26, 1392 2:11 pm
توسط tarannom
سڵام و عـه‌لــه‌یک  شای وه‌فــاداران      

ئــارام به‌خشی زام دڵـــه‌ی بیــماران



شه‌فاده‌ری ئێش مه‌ڵهه‌می ده‌ردم                

لووله‌ی نه‌فه‌سی هه‌ناسه‌ی سه‌ردم



میراوی سه‌رجوی باخچه‌ی دڵه‌ی ڕێش  

فکــر و خیاڵــی ده‌روونی خه‌مکێش



نــووری بینایی هــه‌ر دوو چـــه‌مــانم  

هێـزی قامـه‌تی خه‌میای که‌مانم


تاقــه‌تی دڵــه‌ی نیمــه‌ شه‌وانـــم

سه‌رگه‌رمی ده‌روون روح و ره‌وانم


قه‌سه‌م به‌و وه‌فا چه‌نی توم به‌سته‌ن    

به‌و به‌سته‌ قه‌سه‌م به‌ دڵ په‌یوه‌سته‌ن



به‌و خامه‌ نه‌ توی سه‌رپه‌نجه‌ی ده‌سته‌ن

دووریت چووون ئه‌فعی به‌ندی دڵ گه‌سته‌ن



دڵ هه‌ر پابه‌نده‌ن په‌رسو هـــه‌واڵت

بێ خه‌به‌ر نیه‌ن جه‌ جویای حاڵت



توی خه‌یمه‌ی خاوم گوزه‌رگه‌ی ڕاته‌ن

دڵــــم پابـــه‌ندی دیــای وه‌فــاتــه‌ن



روحم وه‌یلانه‌ن چون په‌روانه‌ و شه‌م

وێڵی شکاره‌ن وێنه‌ی بینـای چه‌م


تــای تاقــه‌ت بــڕیان ئارامش نیـــه‌ن

روحم موشتاقی هامـڕازش بیــه‌ن



لێـــڵاویـــم لێڵه‌ن جه‌ دووری تــۆوه‌  

ڕوم زه‌هری ماره‌ن ، شه‌و ڕو مه‌بۆوه‌



ئینه‌ حاڵمه‌ن هه‌رسات مه‌رگمـــه‌ن

سه‌د نێشی دووریت وه‌ ڕووی جه‌رگمه‌ن



خوراکم خه‌مه‌ن ، خه‌فه‌ت لام باره‌ن

دیـده‌م لێــــــڵاوه‌ن بــینـاییم تــاره‌ن



تاقه‌تی شه‌وان توم نه‌ توی وه‌رمه‌ن

ئــامــاولــواته‌ن ئاموشوت گه‌رمــه‌ن



هه‌رشه‌و به‌ ته‌ورێ شه‌و به‌ ڕو که‌روو

بــه‌ خیاڵی شه‌و ڕو به‌ ســه‌ر به‌روو


وه‌شه‌ن ئاموشوت شه‌و توی خاوم دا

وه‌شته‌ر بێ بنیه‌ی پات وه‌ چاوم دا


به‌ڵکم بینــاییم نــوورش پــڕ نوور بـــو

بێنووریم جه‌ ده‌س چه‌نه‌تا دوور بــو


ره‌شید زه‌مانه‌ی بـــڕیه‌نش جه‌رگـــم

ئه‌شکاوان ده‌روون مه‌نه‌ن تای مه‌رگم



مه‌رگ ها نه‌ په‌رواز چه‌م وه‌ جه‌سته‌م دا

وه‌ ده‌وری جه‌سته‌ی ته‌مام خه‌سته‌م دا



چوون بازی بێبـــــاڵ که‌فته‌ی زه‌مینم

هه‌رعـان گیـری دام به‌سته‌ی که‌مینم




















پستارسال شده در: سه شنبه فروردين ماه 26, 1392 1:54 am
توسط CafeWeb
شه و بیدارانم

شه و بیدارانم ، شه و بیدارانم
ره فیق ناله ی شه و بیدارانم
جوغد جا نه سه نگ سه ر موغارانم
یا هوو کیش جه ور روزگارانم

په روانه په شیو سفته ی نارانم
چون قه قنه س زوخال کوی ده ن دارانم
سه ییاد بی سوود سه ر دیارانم
سمکوی له نج عه شق ناز ته تارانم

گیروده ی سه رچه نگ جه فای خارانم
خار خه م نه جه رگ خار خومارانم
پادشای گشت پول هجران بارانم
ویل وادی گرد هه ردی هارانم

هه راسان نه دین دیده ی یارانم
مه جنوون به رگیل پای کوسارانم
هیچ که س نه مه نده ن جه خه مخوارانم
بپه رسو هه وال وینه ی جارانم

دیار دیاره نی مه ینه ت بارانم
بزانو وه شین ئاهر وارانم
ده ردی من گرته ن غه م گوسارانم
مه رهه م جه ی وه ر قه یس روزگارانم

Re: ღ~✿✿~ اشـــعـار هـــورامـی ~✿✿~ღ

پستارسال شده در: سه شنبه ارديبهشت ماه 31, 1392 1:50 pm
توسط farzaneh
]ئازیزم ئامای ئای بئ قه رار ویم *****  ئای ئای چه مه را ئای ئینتزار ویم

مه وته نه که ی چه م دیده ش ها نه ریت ***** غه ریبی تا که ی بؤ وه ماوای ویت

های ساقی بازار جلوه ی دلداره ن***** سه ودای خه ریدار ،دانه ی دیداره ن

یه کئ وه مایه ی گه نجی ((که ی))ه وه *****  چون منیچ وه تای فه رتوت نه ی ه وه

ئه ر سه د هه ر که سئ په ی ویش وه راوه ن ***** وه قیمه ت نیه ن ئیخلاس حه ساوه ن

مایل که رد بالا وه ی لا دا چؤن نه ی ***** ده سیوه ت ده ف بؤ ئه و ده س جام مه ی

با بیدار که رؤ تاکه ی بؤ غافل***** ده ف وه سه دا گیان ، جام وه ره شحه ی  دل

با کلافه بؤ ئاخر له وانم***** خاکی پای حه زره ت پیری موغانم

چون ده ف، به رگ پؤس ئیراده ت پوشم***** غولامی به ر ده س حه لقه نه گؤشم

خوم ئاسا خه یلین وه ته ن مه یخانه م***** چون پیاله ی واق شیشه ی په یمانه م


مه وله وی

Re: ღ~✿✿~ اشـــعـار هـــورامـی ~✿✿~ღ

پستارسال شده در: چهارشنبه خرداد ماه 1, 1392 10:58 pm
توسط CafeWeb


ئازیز! وه‌س بووزه‌م نه‌ گێجاو خه‌م


وه‌س چون بینایی په‌نهان به‌ر نه‌ چه‌م


وه‌ختێ جه‌ وه سڵیچ هه‌ر دڵم ڕێش بۆ


مشێۆ وه‌سڵ و فه‌سڵ فه‌رقشان چێش بۆ؟