مهحبووب ههر سیان مهحبووب ههر سیان
جــنونی فــــهرمــــوش مهحبووب ههرسیان
سهد سفید غوڵام یهك تاڵ زوڵف سیان
سفید بی سیا زینهت نهدارۆ
جه زوڵف سیا هوناو مهوارۆ
جه ههور سیا ڕهحهمتهن باران
وهشهن جه سهحراو دهشت و كۆساران
جنونی بهفای گهرد ڕای پات بۆ
به فیدای دوو دیدهی خوتهن سیات بۆ
كۆی تور سیان سورمهش ڕهواجهن
شا تا وه گهدا وهنهش موحتاجهن
سی جزمهی قورئان خهڵات ڕهسوڵ
خهتیش سیا بۆ جا مهبۆ مهقبوڵ
حهجهرول ئهسوهد وهی تهور سیاشان
جهمع حهجاجان وه عهین میاشان
مسك تا سیا بۆ عهجهب بۆش مهبۆ
چونهن جهنافهی ئاهو گهردن كۆ
سهر كولك سمۆر سیاتار مهبۆ
ههتا سیا بۆ قیمهت دار مهبۆ
ئهی سیفید چێشهن سفید خایهن
دهلیایه دوو ڕهنگ، دوو پویل بایهن