به زوانۆ وێما
کۆرته باس
موسلێح مه حموودی
زوان، جه چوار به شا و ه ش بیه ن . به شۆ ئه وه ڵی زوانێوا که مژنه ومێش، به شۆ دووه می ئانه نه که پنه ش قسێ که رمێ ، به شۆ یه رۆ می ئانه نه که پنه ش منویسمێ و به شۆ چوارۆمی ئا نه نه که موانمێشه و. (ئا که سێ که بێ سه وادێنی جه دوه به شۆ ئاخری بێ به شێنێ) .
زوان شناسێ، یاواینێ پینه یه که ئه گه ر که سێو زوانو قسه که رده یش و قسه ئه ژنیه یش ، چنی زوانۆ نویسته و وه نه یش یۆ با، یانی ئه گه ر هه ر پا زوانه یه که مژنه وۆ و قسێ که رۆ ، هه ر پانه یچه بنویسۆ و بوانۆ (یانی په ی نموونه ی ئه گه ر یه ک نه فه ر هه ورامی زوان، جه مه دره سیوی هه ورامییه نه ده رس بوانۆ)، ئا که سه فره ته ر تاوۆ مه غزیش په ی هه رمانه فیکریه کا ، به کار گیرۆ ...
ئینه نیشانه مدۆ که یاد گێرته و وه نه ی و نویسه و زوانی زکماگی (زوانی ئه دایی) تا چه رادێو تاوۆ مه غز و فێکری به هێز که رو ...